Հայկական առաջին հարթակ ftNFT.am-ը բացմանն ընդառաջ կազմակերպում է միջոցառում, որն ուղեկցվելու է 7-օրյա ցուցահանդեսով:

Ցուցահանդեսին ներկայացված գործերն ընտրվելու են հրավիրված Հանձնաժողովի մասնագետների կողմից, որոնց կազմում են հայտնի NFT արտիստներ, ոլորտի առաջատար մասնագետներ ու մեծ փորձառություն ունեցող արվեստագետներ:

Այսպես մենք նպաստում ենք և՛ սկսնակ, և՛ փորձառու արտիստների ներգրավվածությանը NFT ոլորտում ու փորձում բացահայտել նրանց տաղանդն ամբողջ աշխարհին:

Դու՝ որպես արտիստ, նույնպես հնարավորություն ունես ցուցադրելու վիզուալ գործերդ միջոցառման ժամանակ:

Դրա համար պարզապես անհրաժեշտ է գրանցվել մեր կայքում, գործերդ վերածել NFT-ների, ուղարկել մասնակցության հայտ ու արժանանալ Հանձնաժողովի հավանությանը: